روتين عناية يومي للحد من تساقط الشعر

اهلا أصدقاء المدونة اسعد الله اقاتكم

ماجعلني أكتب هذي ألتدوينة إلابعد مروري بتجارب عديدة بعضها كان ناجح والبعض نتائجة عكسية على شعري .
كلنا عارفين الشعرمكمل للجمال ،وكلنا نبحث عن اشياء توقف وتعطي حيوية وحياة لشعرواكثر شي
هو التساقط بقية المشاكل طلع لها حلول مُتعددة مُختلفة.

وبما انو اغلب مواضيعي الي اطرحها تخص العناية باالبشرة ،حبيت هذي المرة أطرح موضوع العناية باالشعربشكل بسيط وسلس بدون تعقيد واعرف انو البعض يبي المفيد وزبدة الموضوع  عشان كذا بدخل في صلب الموضوع ،شخصيا عانيت كثير من التساقط باالرغم من طبيعة شعري الكثيف جداً،وايضاً نوع الشعرة قوي وناعم لاكن مع الاسف ماكنت اهتم كثير لانو مرتاحة من هذا الجانب شعر كثيف وناعم مثالي مااحتاج اهتم فقط شامبو اي شركة وبعض الاوقات استخدم بلسم ونادر جداً اضع زيوت🧖🏼‍♀️

مع مرور السنين صرت اصبغ كثير ومرات ورا بعض وبنفس اليوم ممكن احط لونين لو ماعجبتني الصبغة،مع الوقت
شعري من منابت الشعر ممتاز بس بقية الشعر تالف ومنتف 💔المشكلة هذي حقيقي كانت بسيطة مجرد ترطيب الشعر
مع قص التقصف وتغير نوع الشامبو لنوع طبي خالي من المواد المتعبة لشعر مع الاستخدام الطويل

  • مثل الباربين : لكم حرية البحث عن اسباب خطورتها وكيف نقنن من أستهلاك المنتجات التي تحتوي عليها.
  • السيليكون : الموجود في الشامبو يمنح الشعر ملمس وشكل حريري لامع ،لاكن مع مرور الزمن قد تسبب جفافة وتقصفة،
  • البارافين : يعد زيت البارفين منتج بترولي مثل مادة الفازلين يترك طبقة دهنية ممايؤدي إلى توسيع مسام الشعر وبذلك إحتمال حدوث التساقط.
  • السولفيت: هي المادة الاكثر خطرا على الشعر على المدى البعيد،تؤدي إلى جفاف الشعر وتقصفة وهي مسؤولة عن كثافة الرغوة في الشامبو وبعض منتجات تسريح الشعر

للمعلومية كل مازادة كثافة رغوة الشعر كان ذالك دليل على كثرة المواد الكيميائية الضارة التي تفقد الشعر حيويتة .
كل هذي المواد تجنبتها ببساطة بعد ماتركت المنتجات التجارية المروج لها بكثافة في الاعلام.
الي يتابع حساب الانستقرام من فترة ثلاث سنوات الماضية راح يلاحض اكثر الشامبوهات الي انزل عنها بوستات
كلها إماعضوية او طبية خالية من كل ماذكر في الاعلى .

باالنسبة لصبغات تجنبت استخدام الامونيا وصرت اصبغ شعري بشكل متباعد على الاقل بين صبغة وصبغة سبعة اشهر والحمد لله ارتاح شعري كثيروتخطيت مُشكلة جفاف ونفشة الشعر بماانو طبيعة شعري من الاساس ناعم نسيت اذكر لكم انو ابتعدت عن الالوان الفاتحة جداً.

مع مرور السنين مريت بفترة نزول وزن بطريقة غير صحية اتبع نظام قاسي واحرم نفسي الاكل والعناصرالمغذية في بعض الوجبات اهملها وهنا طبيعي مع الوقت يطيح شعري وصار فية بعض الفرغات في مقدمة الشعر

وكنت اتمنى  يرجع شعري نفس قبل بس يبيلي وقت طويل استرجع صحتي اولاً ثم ابحث عن اهم الفيتامينات الاساسية لنمو وتغذية الشعراهمها طبياً الفيتامينات التالية لنساء التي يتم فحصها عن طريق تحاليل الدم مع الطبيب المختص .

  • مخزون الحديد (الفيريتين)
  • (فيتامين دال)
  • (الغدة الدرقية)
  • (الزنك)

على كلام الاطباء (فيتامين الزنك)نادر جدأً يحدث في منطقتنا العربية هنا اتيح لكم البحث في هذا الموضوع،وايضا يعتبر سعر التحليل مرتفع ومكلف في العيادة.

من الفترات الي يكون البعض مُهملين صحتهم هي فترة الدورة الشهرية الي بسببها ينقص مخزون الحديد عند النساء
وخاصة الي يعانون من غزارة الدورة الشهرية مُعرضين لنقص مخزون الحديد .

وقت التحليل ضروري نفرق بين (تحليل الدم) (ومخزون الحديد ) هذا الخطاء يقع فية بعض الاطباء وايضاً
كثيرنساء ماعندهم خلفية عنة يعني لو طلع الدم ماعندك نقص فية  ممكن يكون مخزون  الحديد ناقص وعشان اختصر عليكم المخزون ضروري يكون فوق 50 عشان نلاحض توقف التساقط .
ولو رفعنا المخزون فوق الطبيعي يعني سبعين واكثر هنا نلاحض نمو شعر جديد وتوقف لتساقط.

وعشان نرفع اهم فيتامين مسؤول عن التساقط (مخزون الحديد )
فية فيتامينات تصرف ضروري الاتزام فيها عشان يمتصها الجسم عشان نستفيد منها غالبا نتناولها على بطن فارغ  قبل الاكل بساعة اوبعد الاكل بساعتين على الاقل لسرعة الامتصاص .
ضروري نتناول حبوب الحديد لوحدها وبقية انواع الحبوب مثل الكالسيوم فيتامين دال في اوقات متباعد عشان ماتأثر على امتصاص حبوب الحديد .
من المؤثرات الي تقلل امتصاص حبوب الحديد عسر الهظم ووتناول بعض حبوب الحموضة وغيرها من الانواع يجب عدم تناولها ايضاً في نفس الوقت.

ذكرت لكم اهم الاسباب الرئيسية الي كانت سبب في نقص اهم الفيتامينات الاساسية لشعرعندي ومع الاتزام فيها تحسن شعري
بشكل ملحوظ وكمان كان البيبي هير كثيف  ومازلت مُستمرة على المتابعة والتحسن يزيد مع مرور الوقت.

بشكل سريع راح اعرض بعض الشامبوهات والفرش تبع فك تشابك الشعر الاكثر من رائعة وايضاً المكملات الي جربتها  في النهاية.

نجي لاهم نقطة ماراح اعيش طول حياتي على تناول الفيتامينات لانو التحليل يكون بعد فترة جيد
واكيد راح استغني عنها في بعض الفترات الي يكون البديل الافضل روتين الحياة الصحي الي اشكر ربي علية لانو عايشة علية اكثر من 5سنوات
مع زيادة وتركيز على الاغذية الغنية باالفيتامينات الي تساعد على بناء الشعر.

بكذا وصلت نهاية التدوينة وايارب نستفيد كلنا ونفيد بعض وننشر الموضوع لانو فيه بعض النقاط كثير جميلات يجهلونها .

وصلت نهاية التدوينة دُمتم بصحة وجمال ..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s